Ek Cup Basi Coffee

(yah yek imaaginaarii situashan men likhii gaee kavitaa hai... jo sach men yah savaal poochhatii hai kii in sab men imaaginaarii kitanaa hai aur sach kitanaa)

is kavitaa ko men kyon likh rahaa hoon yah baat men soch rahaa hoon
apane haath men padii laal kaalii nataraaj kii pensil ko apane nokiyaa phon se kompare kar has rahaa hoon
ab tak tumhaaraa kyaa reachshan rahaa hogaa yah soch rahaa hoon
kaise biike chalaate chalaate ye kavitaa sochii yah hii soch rahaa hoon
tum kahii ghadii kii suee ko n dekh lo yah soch soch men dar rahaa hoon
phir doosare pal aas paas dekh yah pal sach hai is baat ko jaanch rahaa hoon
kaard pepar ke is kaafii kap se kaafii phoonk phoonk kar pii rahaa hoon
is do saal puraanii kaafii ko chakh kar kos rahaa hoon
aas paas phir dekh kar has rahaa hoon
ab tak kavitaa khtam ho jani chaiyeh thii yah soch rahaa hoon
yah kavitaa kahaan se kahaan jaa rahii hai is baat ke liye khud ko kos rahaa hoon
phir pannaa palat kar aage ise lih rahaa hoon
ab tak tumako impres kiyaa kii nahiin yah soch rahaa hoon
yah kavitaa inglish men kyon nahiin likhii yah sochate sochate aur bhii bhaashaa kaa traansaleshan soch rahaa hoon
sou se ded sou kii spiid par chalatii apanii haartabiit ko mahasoos kar rahaa hoon
is vakt tak phon n bajaa hogaa shaayad yah sach ho is baat se khush ho rahaa hoon is laain ke baad kahiin tum apanaa phon sakariin n dekh lo is baat ke liye khud ko kos rahaa hoon
phir yek baar apane baase kaafii ke kap ko dekh kuchh buraa soch rahaa hoon
yah kavitaa men sach men yaa bhram men tumhe pad kar sunaa rahaa hoon, yah jaanane kii koshish kar rahaa hoon
sach aur bhram kii laain no ko dhundhalii hotii dekh sar pakad rahaa hoon
yah merii haath kii kaafii bhii kahiin kaalpanik toh nahiin yah soch kar haath ke kap ko niiche rakh rahaa hoon